Duke folur për veten
Faleminderit N.Ago se tashti që dhashë fjalëm jam e detyruar të flasë për veten.
1. Unë jam fëmija e parë e prindërve të mi. Im atë i kishte kërkuar mamit të mos lindte një të djelë (si e vetme ditë pushimi e asaj kohe) dhe unë, asnjëherë dakord, erdha në këtë botë një të djelë në orën 12 të drekës. Si i ardhur nga malet e Jugut, im atë as nuk e imagjinonte që për më shumë isha një koce ndaj dhe lajmin për lindjen u dha me një letër drejtuar një kushuriri të afërt ku kërkohej të fillonin kërkimet për një dhëndër pas 13 vjetësh. Nejse kur u njohëm një çik më shumë, isha perëndia e tim eti.
2. dyshi vjen nga njëshi, tjetri ka qënë fëmijë shumë i përkëdhelur, bile aq shumë që vetëm pse përplasja këmbët munda të kem një vëlla (si gjithë të tjerët) kur isha 9 vjeç mbasi detyrova im atë të plotësonte një deklaratë që sido që të vinte puna, do të ruaja vendin e parë në zemrën e tij.
3. Vitet më të bukura të fëmijërisë sime i kam kaluar në Librazhd ku ishim me transferim për tre vjet. Tirana ngelet megjithatë qyteti im për të cilin më merr malli veçanërisht. Sa herë kthehem në atdhe, mundohem të vizitoj rrugët e njohura veç ndryshimet janë shumë më të shpejta e vizitat e mia gjithmonë dhe më të rralla.
4. Librat karakterizojnë rininë time të hershme, sidomos në gjimnaz, kur lexoja me llampë të vogël nën jorgan, duke ngrënë, duke parë televizorin, duke larë dhëmbët etj, etj. Këto lloj ekstremesh më kanë bërë të marr vendimin e arësyeshëm: „të mos lexoj asnjëherë kur jam në shtëpi dhe nuk jam vetëm“. Megjithatë akoma më ndodh që kur lexoj një libër shumë interesant, mbyllem në banjo.
5. Ideali komunist, mendoj që është një ideal shumë i bukur. Kur isha e vogël isha gati të sakrifikoja gjithshka për këtë ideal veç, sigurisht që ka ca përjashtime, muzikës. Tani dëgjoj më pak muzikë por jam gati të kërcej me çfardo ritmi. Jam gjithmonë për barazinë e njerzve, veç jam shumë e ndërgjegjsme që ideali nuk arrihet me diktaturë dhe jeta pa ideale tingëllon si një plakje e parakohshme.
Pesë, nuk mund ta zgjas më. Për moshën, familjen dhe profesionin tim, do të jetë një herë tjetër, se njeriu, si thotë Elais, është më i komplikuar sesa 5 pika. Unë do të doja të flisnin për veten e tyre Kastadiva, batha, Eda, Lily dhe Shqipo