Kompanjia - Robert LITTELL
Prezantimi nga botuesi (në frëngjisht) : Një përzjerje mjeshtërore mes realitetit dhe fiksionit, heronj romanesh dhe persona historik ky roman ambicioz na zbulon mekanizmat e funksionimit të organizatës më sekrete deri më sot CIA. Një saga, qe përqafon historinë e pothuajse një gjysëm shekulli. Ky libër ngre perden mbi disa episode shumë të rëndësishme të historisë moderne : Budapest 1956, Kuba 1961, Afganistan 1983 dhe Rusi 1991.
Mendimi im : paraprakisht, për të filluar këtë libër duhet të interesohesh për spiunazhin në përgjithësi dhe për luftën të quajtur « Të ftohtë » mes komunizmit dhe socializmit kapitalizmit në veçanti.. E dyta nuk duhet patur frikë nga librat me shumë faqe dhe më e rëndësishmja duhet patur kohë për të lexuar. Në fakt libri është shumë ineresat dhe lexohet mirë, për më shumë që ka dhe një episode mbi Shqipërinë. E këshilloj për pushime duke u nxirë në diell. Për të qënë më serioze, ëshët një analizë dhe përshkrim shumë interesant mbi këtë periudhe që u instalua më ‘45, pas luftës dhe që sot merr forma të ndryshme: raporti mes njeriut, shtetit, nacionalizmit, ideologjisë… (më shumë në anglisht dhe italisht)