Thashethemet e së djelës
Ju kisha folur për dashurinë por jo për fotografinë. Sot zbulova një artikull në një revistë franceze që fliste për këtë fotografi. Nga artikulli mora vesh që fotografia është marre në urën që quhet Milvio në Romë. Tashmë është kthyer në një traditë që çiftet e rinj, vijnë lidhin një zinxhir me kyç në një nga lampadarët e kësaj ure dhe e hedhin çelsin tek lumi. Riti është marrë nga një roman me shumë sukses, i botuar vitin e kaluar, të Federico Moccia me titull «Ho voglia di te» (autori boton vazhdimin këtë vit me titull «Tre metri sopra il cielo»). Ndërkohe, një klip muzikor është xhiruar në këtë urë. Më vonë dikush ka vjedhur drynët me zinxhirat, 713 kg, dhe i ka shitur. Më në fund kryetari i bashkisë i qytetit ka vendosur një gjobë 50euro për ata që do të guxonin të kyçnin lampadarët. Pak histori, tërësisht e panjohur për mua, në këtë urë më 312 Imperatori Constantin fitio mbi Maxence.