Zgjedhjet, e parafundit besoj
Kam kaq kohë që kam fotografuar dhe bërë montazhin e këtyre fotografive. Bëhet fjalë për një fushatë sensibilizimi ndaj aksidenteve automobilistike në Francë. Ç’lidhje ka kjo me zgjedhjet do të thoni ju, po vjen sqarimi po vjen. Një nga premtimet e Presidentit që po mbaron presidentimin, ishte që do të ulte numrin e aksidenteve me makinë në Francë. Mund të themi që është një nga premtimet pakta të mbajtura. Aksidentet janë ulur vërtet dhe duhet thënë që metodat e sensibilizimit dhe të dënimit kanë qënë dhe janë të larmishme dhe të shumta. Po mundohem të përmënd ca:
- në televizor shikon klipe me aksidente,
- radarët që masin shpejtësinë e makina sidomos në autostradë janë n-fishuar,
- kontrollet policore jo vetëm për shpejtësinë por edhe për përdorimin celularit në timon i gjen gjithandej,
- fushata informimi në diskoteka për të dekurajuar ata që kanë pirë të marrin makinën,
- dënimin me burg të një pronari të një bari që lejoi një shofer të dehur në lokalin e tij të merte makinën gjë që shkaktoi një aksident.
- Etj etj
Dhe ja edhe këto tabela që japin përshtypjen e të qënit të panumërta në këtë boulevard qëndror, rue de Rivoli, ku ka shumë dyqane dhe shumë njërës si rrjedhim i dyqaneve sigurisht.