Lajme nga Franca
Siç thotë edhe Eco në librin e tij Baudolino « Natyra nuk e duron dot boshllëkun ». E kam fjalën për lajmet e ditës në Francë. Të djelën, para disa ditësh, u zgjodh presidenti në Francë. Një i ri që duhet të zërë vendin e të vjetrit. Posti lirohet më datën 16, pra pas dy ditësh dhe as njëri as tjetri nuk bëjnë ndonjë gjë të madhe. Pra në Francë ka një boshllëk politik. Gazetarët, shumë afër me hallet e popullit, bëjnë punën e tyre dhe mundohen ta mbushin. Atëhere ca nga të rejat nga Franca :
- Presidenti sapo mori vesh lajmin, hengri dhe fjeti ne nje restorant – hotel lluksoz në qëndër të Parisit (gjumë të ëmbël !)
- Të nesërmen, ashtu si dhe jet – set, presidenti taze, iku për pushime në Maltë në një jaht (afërsisht 100000 euro java) i ftuar nga një biznesmen francez (edhe !)
- Sot marrim vesh që një gazetë ka autoçensuruar një artikull që fliste mbi mos votimin e gruas së rradhës të fituesit. Ka thashetheme që nuk janë më bashkë veç këtu nuk duam të flasim për jetën private të politikanëve duke bërë një çik thashetheme megjithatë. (Aq na bën)
- Pjesë nga një libër, i shkruajtur nga dy gazetare serioze, po bën shumë zhurmë në këto momente. Libri flet mbi influencën, në fushatën presidenciale, e marrdhenieve bashkëshortore mes kryetarit të PS dhe kandidates të cilët janë çift me katër kalamaj. Thuhet që libri nuk është shumë ineteresant, vetëm pjesët e botuara në gazetën e lartpërmëndur duhen lexuar ! (mbas pilafit !)