Të rejat e fundit
Mbas një mungese të disa ditësh në blogosferë, po vij me dy lajme të reja për mua por mbase të vjetra për disa nga ju. Bëra një xhiro të shpejtë dhe nuk gjeta gjë në blogje për të thënë të vërtetën.
Lajmi i parë është festivali i filmit i quajtur “Ditë të filmit Shqiptar në Athinë” dhe që mbahet në këto momente – 24 deri më 30 Maj në Athinë. Festivali përfhsim filma nga Shqipëria dhe Kosova. Do të shfaqen rreth 30 filma, krijime që datojnë duke filluar nga vitet ’70. Marrin pjesë edhe dy krijues grek me dy filma që trajtojne problemet e emigrantëve shqiptar në Greqi. Kush del nga ato anë mbase na jep më shumë informacion.
Lajmi i dytë, është botimi i një libri me hartat e Shqipërisë. Libri është i domosdoshëm për turistat aq të deshirueshëm për zhvillimin në atdhe të këtij aktiviteti. Për të qënë e sinqertë mendoj që dhe ne, emigrantët, nuk do ishte keq ta mbanim tek porta e makinës.