Festa e muzikës.
Për një çik nuk do të shkruaja për këtë festë sot e bindur që kisha folur tashmë vitin e kaluar. Pas një verifikimi të gjatë, ju siguroj nuk ju besoja syve të mi ndaj kontrollova disa herë, konstatova që vitin e kaluar në këtë kohë, këtë aktivitet kaq të rëndësishëm e kam kaluar në heshtje !
Pra sot është festa e muzikës që është caktuar enkas në ditën e verës që është gjithashtu edhe dita më e gjatë e vitit (lexuar para një minute tek Wikipedia për të bërë gjoja erudite).
Mua më pëlqen në veçanti kjo festë. Nuk e di nëse kjo ndodh ngaqë më pëlqen muzika apo festa apo të dyja në të njëjtën kohë. Festa më entuzjazmon dhe bile ja uroj të gjithëve megjithëse në përgjithësi ndesh më shumë me tinguj si përgjigje se sa falenderime entuziastei. Nejse francezët në përgjithësi duhet të protestojnë për gjithshka ndaj më përgjigjen me një hë hhhhh ose « kjo festa është kot, ka vetëm zhurmë dhe rrëmujë ». Mes nesh, rrugët janë të mbushura me të njëjtët francez dhe megjithëse ndër amatorët që mbushin rrugët ka që të çajnë veshët, gjen dhe shume inerpretues me cilësi aq sa nuk ke kë të zgjedhësh. Entuziazmi im mbaron këtu. Nuk kam kohë sot ta gdhijë rrugëve veç po bëra fotografi, ju premtoj t’i botoj nesër ose pasnesër.
Gëzuar festën e muzikës të gjithë