Leximet në pushime
Këtë verë vendosa të përmirësoj anglishten time ndaj mora këtë librin me vete në pushime.
Përmbajtja : Richard, jeton vetëm dhe tashti që nuk ka më nevojë të punojë, dita e tij është e organizuar rreth sportit, dieticienes, pastrueses, kompjuterit dhe kjo çdo ditë deri në momentin kur një krize ankthi e shoqëruar me dhimbje paralizuese do ta detyrojë të marri rrugën e spitalit në një ambulancë. Që nga kjo natë Richard fillon të bëhet i ndërgjegjshëm mbi ambjentin dhe njerzit që e rrethojnë, prindërit, ish gruaja, djali, komshinjtë, të njohurit.
Mendimi im : sepse gjithmonë kam folur për libra që më pëlqejnë, nuk do të thotë që gjithshka që prek me sy, sigyrisht, janë vepra dhe kryevepra. Ky libër p.sh. që isha bërë gati ta rekomandoja kur lexova përshtypjet dhe përshtypslënësit në kapak, është vërtet i dobët. Takimet dhe njohjet e personazhit kryesor me njerëz të tjerë janë si pa lidhje dhe të cekta, komunikimi mes njerzve shumë i lehtë ose shumë i bukur për të qënë i vërtete. Vetëm nja 50 faqe të librit nuk mu dukën keq, aty ku personazhi kryesor duhet të rikrijojë lidhjet me djalin e braktisur vite më parë.
Do të isha kurjoze të dija nëse dikush tjetër a ka lexuar ?