20 décembre 2007
Në kërkim të autorëve të humbur
Që kur kam ardhur këtu dhe sidomos që kur kam filluar të lexoj më lirshëm në frëngjisht, me ndihmën e internetit, miqve apo librerëve kam njohur plot shkrimtarë të rinj, apo të vjetër nga vende të ndryshme të botës. Vetëm shpesh mendoj për ato pak libra që kam lexuar në atdhe të literaturës botërore (veç litaruturës klasike që ishte më mirë e përfaqësuar) dhe kam ca që nuk I gjej më. Ose më saktë nuk mbaj më mënd emrat e autorëve. Atëhere nëse ka ndonjë që mund të më ndihmojë, kerkoj:
- Një libër që nëse më kujtohet mirë quhej : “Jangblladët” – libër amerikan, titulli sigurisht I shqipëruar. Tema e librit është racizmi dhe sidomos pranimi i tjetrit. Më mbahet mënd që më ka pëlquer shumë libri dhe doja ta rilexoja ose të lexoja libra të tjerë të të njëjtit autor.
- Një libër policor japonez. Historia ishte loja e një krimineli me oraret e trenave për të siguruar një alibi. Hetuesi, shumë këmbëngulës dhe i mprehtë, arrin të demaskojë kriminelin. Librin e kam lexuar të paktën dy herë dhe më dukej hetuesi shumë i fortë dhe intriga shumë e komplikuar.
- Një libër fantastiko – shkencor me një përmbledhje tregimesh të përkthyera pak përpara revolucionit tonë. Novelat ishin të një kualiteti shumë të mirë. Më kujtohet sidomos njëra me ca pasqyra me memorje.
Ndihmë, ndihmë kush mund të më ndihmojë atëhere?
Publicité
Publicité
Commentaires
I
T
E
D
T