A po lënë francezët shkollën pas dore ?
Sot ishte një shtatori. Nuk kam ngataruar datën por po them që është fillimi i shkollës i cili ndryshon çdo vit me vendim qeverie. Sepse fillova të shkruaj, u interesova dhe gjeta arsyet pse se edhe vitin e kaluar kisha te njejtin "problem". Pas një leximi të shpejtë, ersyeja kryesore është që Franca është e ndarë në tre zona për pëshimet shkollore (1,5 javë në tetor – nëntor, 2 javë për vitin e ri, dy javë në shkurt – mars, dy javë në prill – maj dhe 2 muaj në verë). Ndarja në zona bëhet që njerzit të mos ikin të gjithë në të njëjtin moment për pushime. Shkaku i ndryshimit të datës së fillimit të shkollës, është që ekuilibrimi mes shkollës dhe pushimeve për çdo zonë të jetë i drejtë.
Sepse në përgjithësi këtu i vihet një rëndësi e madhe familjes dhe fëmijëve, për fillimin e shkollës prindërit që punojnë kanë të drejtë tëmarrin dy orë leje të paguara.
Fillova të shkruaja për shkollën se Eni më pyeste si ka mundësi që në Francë ka shkollë vetëm 4 ditë në javë ?
Java shkollore këtu, deri në vitin shkollor 2007 – 2008 ishte e organizuar : dy dite shkollë, një ditë pushim, dy ditë e gjysëm shkollë. Kjo bënte që nxënësit dhe mësuesit të punonin çdo të shtunë në mëngjes deri në orën 12 :00. Me vendim qeverie, shkolla në Francë është institucion publik, për kopshtet dhe shkollën fillore duke filluar nga viti shkollor 2008 – 2009 nuk do ketë më shkollë të shtunave. Ndërkohë oraret e shkollës janë 8 :30 – 16 :30 me një pushim për të ngrënë në shtëpi apo në shkollë prej 1 orë e gjysëm. Bëra llogaritë dhe i bie 26 orë në javë që është njësoj si oraret e mia në klasën e parë (kuj i kujtohet java ishte me 6 ditë në kohët e lashta).