Panairi i ushqimit në Paris 22 - 26 Tetor
SIAL është panairi i ushqimit në France që mbahet çdo vit. Panairi është ndërkombëtar dhe vizitohet nga profesionistat ashtu si dhe nga konsumuesit e thjeshtë. Prodhimet e reja janë një nga atraksionet më të rëndesishme. Këtë vit janë zgjedhur 20 produkte. Unë quajta më interesante katër prodhimet e mëposhtme
Fruta në formë patatinash – përdoren për të shoqëruar një aperitif ose në piknik. Ambalazhi është një kuti me kapak, gjë që do të thotë – nuk duhet egzaqjeruar dhe të mbarohet kutia menjëherë.
Reçel panxhari i kuq – e zgjodha këtë shipfje shpikje se mu duk e çuditshme por në fakt përdoret për të shoqëruar mishin. Përzjerja e të kripurave me të ëmblat është në modë.
Akullore me base qumësht soje – nëse e keni vënë re, sot flitete shumë për mbipeshën ose të thënë me terma shkencore obezitetin, atëhere për të ngrënë më pak mirë, meqënëse nuk ka ilaç për nepsin, duhet konsumuar prodhime me pak kalori, si p.sh. qumshti i sojes me të cilin aziatikët bëjnë edhe dhjath (pa shije).
Vaj ulliri për të lyer bukën – produkti i ri që më pëlqeu më shumë. Më kujtohet kur isha e vogël, buka 50-çe me vaj dhe djath të bardh, dhe vaji që ridhte gjithandej, dhe dilema mes të larit të duarve apo vazhdimit të lojës. Nejse nuk është akoma në dyqan por është e sigurt që do ta provoj.